ઈન્ટરનેટના આકાશમાંથી વીચારોનાં ફુડપૅકેટ વહેંચતો બ્લોગ: … ‘અભીવ્યક્તી’…

આભાર અને ધન્યવાદ

‘અભીવ્યક્તી’નો વાચક ભાઈશ્રી. દીનેશ પાંચાલની કલમ અને એમના વીચારોથી અજાણ ન હોઈ શકે. એમની પાસે લેપટૉપ છે; પણ ઈન્ટરનેટ કનેક્શન નથી. તોય એમને સમાચાર મળ્યા કે ‘અભીવ્યક્તી’ બ્લોગની વર્ષગાંઠ છે કે તરત તેમનાં આશીષવચન લખી, જાતે મારે ઘરે આવી, તેમણે તે મને હાથોહાથ પહોંચાડ્યા. કશી દરખાસ્ત કે ઉઘરાણી વીના સ્નેહી શ્રી દીનેશ પાંચાલે પોતાના અન્તરના ઉમળકાથી, આશીર્વચનો આપ્યાં ત્યારે મેં સાચેસાચ આનંદ અનુભવ્યો. આપ સૌ સમક્ષ તે સ–સંકોચ મુકતાં હર્ષ અનુભવું છું. શ્રી. દીનેશભાઈનો સૌ  લેખકમીત્રોનો અને દુરસુદુર દેશ–વીદેશે વસેલા સૌ વાચક અને પ્રતીભાવકમીત્રોનો હું અંત:કરણથી આભાર માનું છું.– ગોવીન્દ  મારુ

ઈન્ટરનેટના આકાશમાંથી

વીચારોનાં ફુડપૅકેટ વહેંચતો બ્લોગ:

અભીવ્યક્તી

 નવસારીસ્થીત મારા પ્રખર રૅશનાલીસ્ટ મીત્ર ભાઈ શ્રી. ગોવીન્દ મારુ દ્વારા ચાલતા ‘અભીવ્યક્તી’ બ્લોગનાં ચાર વર્ષ સફળતાપુર્વક પુર્ણ થયાનો જેટલો આનન્દ એમને છે તેનાથી અધીક મને છે. કારણ આ રહ્યું : ચાર વર્ષ દરમ્યાન એમણે એમના ‘અભીવ્યક્તી’ બ્લોગમાં સૌથી વધારે (પચ્ચીસ જેટલા) લેખો મારા મુક્યા છે. એમ કહો કે એ ‘અભીવ્યક્તી’ બ્લોગમાં મારા વીચારોની સુપેરે ‘અભીવ્યકતી’ થતી રહી છે. મારા શીરે કોઈ સુપ્રસીદ્ધ અખબારના તંત્રી, માલીક કે સમ્પાદક કરતાંય એમનું ઋણ વીશેષ છે. કેમ કે અખબારોમાં પ્રગટેલા લેખો ફક્ત ગુજરાતમાં વંચાય છે; પણ ઈન્ટરનેટ પર રજુ થતા લેખો દેશની સરહદોના સીમાડાઓ આંબીને દુર દેશાવરના વાચકો સુધી પહોંચે છે. મારા અને શ્રી. ગોવીંદ મારુના વીચારોનો સુભગ સમન્વય કેમ થઈ શક્યો તે પણ જાણી લો. ભાઈશ્રી ગોવીન્દ મારુ નખશીશ રૅશનાલીસ્ટ અને પ્રખર વીજ્ઞાનવાદી માણસ. બીજી તરફ ધર્મને નામે શ્રદ્ધાળુઓ જે ભુંડી ભવાઈ આચરે છે તેની સામે મનેય જબરો આક્રોશ ! એટલે મામલો કંઈક એવો બન્યો કે ગામનો સરપંચ નખશીખ ઈમાનદાર હોય અને એને એના જેવા જ પ્રામાણીક પોલીસ ઈન્સ્પેક્ટરનો સાથ મળે તેવા અનુકુળ સંજોગો ઉદ્ ભવી શક્યા.

પણ મીત્રો, એથીય અગ્રક્રમે મારે ખુબ પ્રેમપુર્વક અને હાર્દીક આભારસહ યાદ કરવા પડે એવા સુરતના અન્ય સાહીત્યપ્રેમી મીત્ર છે વડીલ શ્રી. ઉત્તમ ગજ્જર. તેઓ તો વળી શ્રી મારુસાહેબથીય આગળ (આઠેક વર્ષોથી) ઈન્ટરનેટ પર ‘સન્ડે ઈ–મહેફીલ’ નામની ‘વાચનયાત્રા’ ચલાવે છે. એ ‘સન્ડે ઈ–મહેફીલે’ દેશવીદેશોમાં ગજબનો ડંકો વગાડી દીધો છે! દુનીયાભરના ગુજરાતી સાહીત્યરસીકો ‘ઉત્તમ–મધુ ગજ્જર’થી પરીચીત ન હોય એમ કોઈ કહે તો ઝટ માની ન શકાય. મારા લેખન મનન પ્રત્યે એમને પ્રથમથી જ આદર. મારે ત્યાં ‘નયા માર્ગ’ જેવું પાક્ષીક આવવું જ જોઈએ એવું એ માને અને તે એટલી હદે કે ‘નયા માર્ગ’નું લવાજમ હું ન ભરું તો મારા વતી એ ભરી દે ! વર્ષોથી હું એમનો એવો પ્રેમ પામી રહ્યો છું તેનો મને આનન્દ છે. મને આજે પણ સ્મરણ છે એમણે જ મારો પ્રથમ લેખ ‘ધુપછાંવ’ (https://sites.google.com/site/sundaymahefil/oldissuesofsundaymahefil – 03. 12 June 2005  dhupchaaav –Dinesh Panchal.pdf) એમની ૨૦૦૫ની શરુઆતની ‘સન્ડે ઈ–મહેફીલ’માં મુકેલો ત્યારે અમેરીકા, લંડન, દુબઈ વગેરેથી એટલાં બધાં પ્રશસ્તીના ફોન–કૉલ મળ્યા હતા કે હું ધન્ય ધન્ય થઈ ગયો હતો. ઈન્ટરનેટના માધ્યમ દ્વારા ઉત્તમભાઈ અને મધુબહેને મને દેશવીદેશોના વીશાળ વાચકવર્ગ સામે ખડો કરી દીધો હતો. અને જાણે મોઘમ રીતે કહ્યું હતું: ‘લો, સુરતના ખોબા જેવડા ખાબોચીયામાં તરવાનું છોડો અને ઈન્ટરનેટના અદ્ ભુત અરબીસમુદ્રમાં જંપલાવો…! તમે પોતે કેટલાં પાણીમાં છો તેની તમનેય અને દુનીયાને પણ જાણ થશે.’ ઈન્ટરનેટના ત્રાજવે મારી એવી તન્દુરસ્ત તોલણીની તક આપવા બદલ હું વડીલ શ્રી. ઉત્તમ ગજ્જર અને મીત્ર શ્રી. ગોવીન્દ મારુનો હાર્દીક આભારી છું. ખરા આનન્દની વાત તો એ બનેલી કે મારા લેખો વાંચી કેટલાય વીદેશી વાચકમીત્રોએ મને વીદેશમાં તેમના મહેમાન બનવાનું આમંત્રણ પણ આપેલું. એ સાવ નવા નકોર આનન્દની અનુભુતીથી હું રસતરબોળ થઈ ગયો હતો.

વડોદરાના એક બીજા સાહીત્યપ્રેમી મીત્ર શ્રી. મૃગેશ શાહની વેબસાઈટ ‘રીડ ગુજરાતી ડૉટ કૉમ’ પણ ‘અભીવ્યક્તી’ અને ‘સન્ડે ઈ–મહેફીલ’ની જેમ જ વર્ષોથી ગુજરાતીવાચનની ધુમ મચાવે છે. તેમનો પરીચય પણ કંઈક એવી જ રીતે થયેલો. એમની વેબસાઈટ પર મારા લેખો રજુ થયા નથી કે મારા ફોનની ઘંટડી રણકી નથી. આટલાં વર્ષોમાં દેશવીદેશોના હજારો સાહીત્યરસીયાઓ જોડે એમણે મારો વૈચારીક પરીચય કરાવી સ્નેહસેતુ બાંધી આપ્યો તે બદલ આ તકે હું એમનો પણ હાર્દીક આભાર માનું છું.

દોસ્તો, આજે જ્યારે અંતરનું ઈન્ટરનેટ આપની સમક્ષ ખોલી દીધું છે ત્યારે થોડી અંતરંગ વાતો કરવી છે. ખાસ તો એ કહેવું છે કે એક બે નહીં પુરા ચાળીશ વર્ષોથી કલમને મેં મારી ગર્લફ્રેન્ડની જેમ પ્રેમ કર્યો છે. છતાં મેં જે કાંઈ લખ્યું છે તેનો આ પહેલાં કદી આટલો સુન્દર, જીવન્ત અને ઉમળકાભર્યો પ્રબળ પ્રેમપ્રતીભાવ નહોતો પ્રાપ્ત થઈ શક્યો. આ પ્રશસ્તીની પુષ્પમાળા મારા ગળામાં આ બધા મીત્રોએ જ પહેરાવી છે. એ માટે વડીલ શ્રી. ઉત્તમ ગજ્જરને યાદ જ કરવા પડે. મીત્ર શ્રી. ગોવીન્દ મારુ અને શ્રી. મૃગેશ શાહનો આભાર માન્યા વીના પણ કેમ ચાલે ? અને રખે માનશો કે હું આપને ભુલી રહ્યો છું. દોસ્તો, પ્રજા વીના રાજાના મુકુટની કીમ્મત કેટલી ? તેમ વાચકો વીના લેખક પણ લાચાર ! તમે માત્ર વાંચીને બેસી નથી રહેતા; તમારા સારા–નરસા પ્રતીભાવો મને ફોન દ્વારા મોકલો છો અને મીત્રોને તેની લહાણી કરવાનુંયે ચુકતા નથી ! દોસ્તો, એ વાતનું મહત્ત્વ નથી કે કોણે મારા કેટલા લેખો ઈન્ટરનેટ પર મુક્યા અને કયા લેખને કેટલા વાચકો મળ્યા; પણ આ બ્લોગ કે વેબસાઈટ ચલાવતા સાહીત્યમર્મજ્ઞ મીત્રોએ વીશ્વભરમાં મારા વીચારોનું વીતરણ અને વીસ્તરણ કર્યું. દેશવીદેશોમાં મને વંચાતો કર્યો એ મીત્રોને લાખો નહીં કરોડો સલામ ! હા, અહીં નમ્રભાવે કહું કે મને સતત સારુ અને ઉત્કૃષ્ટ લખવાની પ્રેરણા એ મીત્રોએ આપી છે અને જો સારા લેખો ન લખાઈ શક્યા હોત તો એ ત્રણ હીરપારખુ ઝવેરીઓએ જ મારા લેખોનો અસ્વીકાર કર્યા હોત. પણ દક્ષીણ ગુજરાતના સુરતના લોકપ્રીય અખબાર ‘ગુજરાતમીત્ર’માં છેલ્લાં પચ્ચીસ વર્ષોથી દર રવીવારે નીયમીત પ્રગટ થતી મારી રૅશનલ કૉલમ ‘જીવન સરીતાને તીરે’ એ ત્રણે મીત્રો ધ્યાનથી વાંચે છે. અને સમયે સમયે પ્રેરણા અને પ્રોત્સાહન આપતા રહે છે. શ્રી. ઉત્તમભાઈ તો મારા લેખો માટે આવેલા વાચકોના પ્રતીભાવો મને ફોન પર પણ વાંચી સંભળાવે છે. આવા પ્રેમનો જોટો જડવો મુશ્કેલ છે. કોઈ પણ લેખક માટે એ નૉબેલ પારીતોષીક મળ્યા જેવી ઘટના છે. વાત પારીતોષીકની નીકળી છે ત્યારે મારે નીખાલસભાવે એ પણ કહેવું છે કે આટલાં વર્ષોપર્યંત મને બે એવોર્ડ પ્રાપ્ત થયાં છે. પહેલો એવોર્ડ ‘વીજ્ઞાનમંચ, નવસારી’ (‘વીજ્ઞાનમંચ’ના સ્થાપક મંત્રી શ્રી. ગોવીન્દ મારુ) તરફથી મારી કૉલમ ‘જીવન સરીતાને તીરે’માં રૅશનલ ચીન્તન રજુ કરવા બદલ મળ્યો હતો. અને ત્યારબાદ ‘ગુજરાતી સાહીત્ય અકાદમી’નું પાંચ હજાર રુપીયાનું પારીતોષીક મારા પુસ્તક ‘મનના મોરપીંછ’ને મળ્યું હતું. પરન્તુ દોસ્તો, મને કહેવા દો કે એ સ્થુળ સન્માનો કરતાં દુર દેશમાં વસતો કોઈ માણસ મને ફોન પર એમ કહે કે : ‘દીનેશભાઈ, અમેરીકા અમારે ત્યાં પધારો. તમને મળીને અમને ખુબ આનન્દ થશે !’ ત્યારે કોઈ પણ લેખક માટે એ જીવનનો સર્વશ્રેષ્ઠ એવોર્ડ બની રહે છે. ખરી વાત એટલી જ કે વૈશ્વીક સ્તરે મારા વીચારોનું વીસ્તરણ કરનારા અને મને નીયમીત વાચનારા મારા મીત્રોનો જેટલો આભાર માનું તેટલો ઓછો છે.

આજપર્યંત મેં શું લખ્યું ? દોસ્તો, ઘણીવાર વીદેશના વાચકોની સાથે ગુજરાતના વાચકો પણ ફોન પર પુછે છે : ‘તમારાં કેટલાં પુસ્તકો પ્રગટ થયાં અને તે ખરીદવાં હોય તો ક્યાં સમ્પર્ક કરવો ?’ તો સૌની જાણ માટે લખું કે સ્નેહી મીત્ર શ્રી. ગોવીન્દભાઈએ લેખના અંતે મારાં પુસ્તકોની વીગતો પ્રગટ કરે છે.

દોસ્તો, અંતમાં નમ્રભાવે એટલું જ કહીશ આટલાં વર્ષોમાં મારા લેખન પ્રતી જે પ્રેમભાવ અને આદર રાખ્યો છે તેવો રાખતા રહેશો. વળતી ખાતરી આપું કે આપના દીલમાં મેં જે કાંઈ થોડી ઘણી ઉંચાઈ સર કરી હશે તેનાથી એક સેન્ટીમીટર પણ નીચા નહીં ઉતરાય તેની હું સતત સાવધાની રાખીશ. મારા પ્રત્યેક લેખો વડીલ શ્રી. ઉત્તમ ગજ્જર, મીત્ર શ્રી. ગોવીન્દ મારુ અને શ્રી. મૃગેશ શાહને તો ગમશે જ; પણ દેશવીદેશમાં વસતા દુરદુરના તમામ વાચકમીત્રોને પણ નીરાશ નહીં કરે તેની ખાતરી આપું છું. કેમ કે વાચકોનો રાજીપો એ જ લેખકનો સાચો પુરસ્કાર છે એ સત્ય મને સમજાઈ ચુક્યું છે. શ્રી. ગોવીન્દ મારુને વીશેષ અભીનન્દન તો એટલા માટે આપવા રહ્યાં કે એમના ‘અભીવ્યક્તી’ બ્લોગ મારફત વીતેલાં ચાર વર્ષોમાં એમણે ઈન્ટરનેટના વીશાળ સમાજ સમક્ષ રૅશનાલીઝમનું સુપેરે યશોગાન કર્યું છે. રેશનાલીઝમ એ વીજ્ઞાન આધારીત હોઈ સાચું અને શ્રષ્ઠ જીવન જીવવાની એ ઉત્તમ જડીબુટ્ટી છે. એ વાત ‘અભીવ્યક્તી’ બ્લોગ દ્વારા એઓ સતત કહેતા આવ્યા છે. સંભવત: ઈન્ટરનેટ પર એમનો આ બ્લોગ ફકત અને ફક્ત રૅશનાલીઝમનો પ્રચાર કરે છે. એ માટે સમગ્ર રૅશનાલીસ્ટ સમાજ શ્રી. ગોવીન્દ મારુનો આભારી છે.

વડીલ શ્રી. ઉત્તમ–મધુ ગજ્જર અને શ્રી. ગોવીન્દ મારુને બીજા વીશેષ અભીનન્દન એ માટે પણ આપવા રહ્યા કે એમણે પોતાના લેખક પરીવારનાં તમામ લખાણો ‘ઉંઝાજોડણી’માં પ્રગટ કર્યાં છે. શ્રી. ઉત્તમ ગજ્જર તો મુળથી જ ‘ઉંઝાજોડણી’ના ચાહક, સમર્થક અને પ્રખર પ્રસારક અને પ્રચારક પણ રહ્યા છે. મીત્ર શ્રી ગોવીન્દ મારુ પણ એ જ પન્થે ચાલ્યા તેનો સૌને આનન્દ છે. અંતમાં અંત:કરણપુર્વક એટલું જ કહીશ:

 ‘ઉંઝાજોડણી અને ‘રૅશનાલીઝમ’ અમર રહો…!

 –દીનેશ પાંચાલ

Dinesh Panchal

લેખક સમ્પર્ક:

શ્રી. દીનેશ પાંચાલ, સી-12, મજુર મહાજન સોસાયટી, ગણદેવી રોડ, જમાલપોર, નવસારી-396 445 ફોન: (02637) 242 098 સેલફોન: 94281 60508

લેખકનાં પુસ્તકો:

(1) ‘જીવન સરીતાને તીરે’ (2) ‘ચાલો, આ રીતે વીચારીએ !’ અને (૩)‘ધુપછાંવ’ એ પ્રથમ ત્રણ પુસ્તકો સુરતના સાહીત્ય સંગમ, ગોપીપુરા, સુરત–395 003 સેલફોન: 98251 12481 વેબસાઈટ: www.sahityasangam.com ઈ.મેઈલ: sahitya_sankool@yahoo.com  તરફથી પ્રકાશીત થયાં છે. બીજું એક પુસ્તકમનનાં મોરપીંછ’ (પુરસ્કૃત) ઈમેજ પબ્લીકેશન્સ પ્રા. લી., 199/1, ગોપાલ ભુવન, પ્રીન્સેસ સ્ટ્રીટ, મુમ્બઈ–400 002 ફોન: (022) 2200 2691 વેબસાઈટ: www.imagepublications.com  ઈ.મેઈલ: info@imagepublications.com તરફથી પ્રગટ થયું છે. એ સીવાય બીજું એક પુસ્તક ‘જીવનસરીતા’ અમદાવાદના  નવભારત સાહીત્ય મંદીર, જૈન દેરાસર પાસે, ગાંધી રોડ, અમદાવાદ–380 001 ફોન: (079) 2213 2921 વેબસાઈટ: www.navbharatonline.com ઈ.મેઈલ: info@navbharatonline.com  અને ત્યાર બાદ બાકીના આઠ પુસ્તકો (1)શબ્દોનો સ્વયમ્વર’ (2) ‘ઉરે ઉગ્યો અરુણ’ (3) ‘બોલો, ઈશ્વર છે કે નથી ?’ (4) ‘સ્ત્રી : સંસારલક્ષ્મી’ (5) ‘તનકતારા’ (6) ‘અંતરના ઈન્દ્રધનુષ’ (7) ‘હૈયાનો હસ્તમેળાપ’ અને (8)‘ધરમકાંટો’ એ તમામ પુસ્તકો ગુર્જર ગ્રંથરત્ન પ્રકાશન, રતનપોળ નાકા સામે, ગાંધી રોડ, અમદાવાદ–380 001 ફોન: (079) 2662 0472/ 2214 4663 ઈ.મેઈલ: goorjar@yahoo.com થી પ્રગટ થયા છે.

‘રૅશનલ–વાચનયાત્રા’માં મોડેથી જોડાયેલા વાચકમીત્રો, પોતાના સન્દર્ભ–સંગ્રહ સારુ કે પોતાના જીજ્ઞાસુ વાચકમીત્રોને મોકલવા ઈચ્છતા હોય તે માટે, મારા ‘અભીવ્યક્તી’ બ્લોગના હોમ–પેઈજ પર મથાળે આગલા બધા જ લેખોની પીડીએફ, વર્ષવાર ગોઠવીને મુકી છે. સૌ વાચક મીત્રોને ત્યાંથી જ જરુરી પીડીએફ ડાઉનલોડ કરવા વીનન્તી છે.

દર સપ્તાહે મુકાતા ‘રૅશનલ વીચારો’ માણવા અને મીત્રોને મોકલવા જોતા રહો મારો બ્લોગ: https://govindmaru.wordpress.com

અક્ષરાંકન:  ગોવીન્દ મારુ, 405, સરગમ સોસાયટી, કાશીબાગ, નવસારી કૃષી યુનીવર્સીટીના પ્રથમ ગેટ સામે, વીજલપોર. પોસ્ટ: એરુ એ. સી. – 396 450 જીલ્લો: નવસારી. સેલફોન: 99740 62600 ઈ–મેઈલ: govindmaru@yahoo.co.in

પોસ્ટ કર્યા તારીખ: 03–08–2012

23 Comments

  1. Happy Birthday to ABHIVYAKTI…….
    Congratulations and Best wishes to Shri Govind Maru and his family.
    Congratulations goes to the contributor friends to Abhivyakti.
    Govindbhai………go on and on till the goal is not reached.

    Amrut Hazari.

    Like

  2. Definately it is wonderful BLOG and I get very good progressive ideas-thoughts every time. I am sorry I did not write in Gujarati this time due to some technical problems. Generally I write in Gujarati only. On’ ABHIVYAKTI’ if I write in Englsh, I feel guily. I love Gujarati. I love RATIONAL THOUGHTS. Whenever I am coming to India, I do buy books on Rational thoughts .and we share books in our Gujarati Sahitya Sarita members.we discuss and sometimes we argue also. Our senior Citizans members can not digest certain thoughts.
    ( I am also a Senior Citizan aged 72 ).
    Congratulation. Keep it up.

    Navin Banker
    Houston, Texas USA.
    713-771-0050

    Like

  3. હાર્દિક અભિનંદન અને અઢળક શુભેચ્છાઓ ગોવિંદભાઈ…

    Like

  4. ગોવિંદભાઈ સફળતા પૂર્વક ચાર વર્ષેની યાત્રા પૂરી કરી પાંચમા વર્ષમાં પ્રવેશી રહ્યા છો ત્યારે ખૂબ ખૂબ અભિનંદન. આવનારા વર્ષોમાં આપ અને અભિવ્યક્તિ અમ જેવા વાચકોને નવા નવા વિષયો ઉપરના ફુડ પેકેટો પીરસતા રહે તેવી શુભકામનાઓ.

    Like

  5. નમસ્તે ગોવીંદભાઈ અને હાર્દીક અભીનંદન. હું અભીવ્યક્તીનો નીયમીત વાચક છું. આપના રૅશનલ વીચારો ખુબ સરસ છે અને એનો પ્રસાર, પ્રચાર કરવામાં આપ જે શ્રમ લો છો તે સરાહનીય છે. આપનો બ્લોગ સતત વીસ્તરતો રહો એવી અપેક્ષા.

    Like

  6. શ્રી ગોવિંદ ભાઈ મારુ,

    આપે શ્રી દિનેશ પંચાલનો પરિચય પ્રસિદ્ધ કર્યો તે બદલ અભાર,

    ઈન્ટરનેટ પરના વાંચકો અવારનવાર જુદા જુદા લેખકોના લેખો

    અને ઈતર સાહિત્ય વાંચતા હોય છે પણ ઘણી વાર તેમને લેખકની

    સાથે પણ સંબંધ/સંપર્ક રાખવાનું પણ મન થાય,જો આવીજ રીતે

    લેખક પોતાનો આટલો સરસ પરિચય આપે અને તેમના મિત્રો અને

    સાથીઓનો સહકાર અને ઉત્તેજન મળ્યું હોય તેને પણ અચૂક યાદ

    કરવાનું પણ ના ભૂલે તે તેમની ઉદારતા અને ખેલદિલી બીજાની

    નજરે સહેજે પડી જાય છે, શ્રી દિનેશ ભાઈ પંચાલના લેખો જે કોઈએ

    વાંચ્યા હશે તે પણ તેમની મનોમન વાહવાહ કરતા રહેતા હોય છે.

    ગોવિંદભાઈ આપ પોતે પણ આપના આ ‘બ્લોગ’વતી ગુજરાતીઓની

    સમાજમાં ચાલતા અંધશ્રધ્ધા,વહેમ, હિન્દુધર્મને નામે ચાલતા ધતિંગને

    ખુલ્લો પડવાનું જે ‘કર્મ યુદ્ધ’ શરુ કરું છે અને તેના ચોથા વર્ષની

    ઉજવણી એ એક આ લડતનું સોનેરી પાન છે તે તેમના વાંચકો જ પુરવાર

    કરે છે, શ્રી ઉત્તમભાઈ ગજ્જર ગુજરાતી ભાષાના ખરા પ્રેમી અને એવા આદમી છે

    તેમને કેમ ભૂલી શકાય? તેમને ઈન્ટરનેટ પર મારા જેવા કેટલાયને ગુજરાતી

    લખતા કરી દીધા છે આમ કહેવું વધુ પડતું નથી. શ્રી દિનેશભાઈ પંચાલે તેમના

    યોગદાન અને ફાળાનો ઉલ્લેખ કર્યો તે પણ અજુગતો નથીજ.

    ગોવિંદભાઈ આપનો ઘણો આભાર થોડીક જગા આપવા બદલ.

    પ્રભુલાલ ભારદિઆ

    ક્રોયડન,લંડન.

    Like

  7. vicharo ni vahechani entle evu vavetar ke jeno pak kyarek mahan vibhuti ni vishwa ne bhet aape [Like Swami Vivekakand Je Shree Ramkrushna paramhans na vicharo ni vahechani nu fal hatu

    Like

  8. સ્નેહીશ્રી ગોવિંદભાઈ ,
    અભિવ્યક્તિ બ્લોગ રેશનલ વિચારોનો ફેલાવો કરીને અને સમાજની સુંદર સેવા બજાવીને ચાર વર્ષ
    પુરા કરીને પાંચમાં વર્ષમાં પ્રવેશ કરે છે એ શુભ પ્રસંગે આપને અભિનંદન અને હજુ પણ ઉજ્જવળ
    ભવિષ્ય માટેની મારી અનેક શુભ કામનાઓ સ્વીકારશો.

    ભાઈશ્રી દિનેશભાઈ પાંચાલની પ્રભાવક સાહિત્ય સેવાઓ માટે અભિનંદન.

    Like

  9. ગોવિંદભાઈ,
    અભિનંદન…અભિનંદન…અભિનંદન
    હરનિશ જાની મારફત મુ.શ્રી ઉત્તમભાઈ અને તેમના દ્વારા તમારો પરિચય થયો. ફેબ્રુઆરીમાં તમને મળવાનો લાભ મળ્યો. વડિલ શ્રી.રમણભાઈ પાઠકને પણ મળી વિચાર વિનિમય કર્યો. નવસારીમાં હોવા છતાં દિનેશભાઈને ન મળાયું.
    જો પાંત્રીસ ટકા એ પાસ થવાતું હોય તો હું પણ હું પણ રેશનાલિસ્ટ છું જ.
    “અભીવ્યક્તી” વાંચતો રહ્યો છું તે તો તમે જાણો જ છો.
    હું સાહિત્યકાર નથી. પણ નાની નાની વાર્તાઓનો બ્લોગ શરુ કર્યો છે.
    http://pravinshastri.wordpress.com
    તમે ખૂબ જ પ્રવત્તિશીલ છો. જો સમય મળે તો મુલાકાત લઈ પ્રતિભાવ આપતા રહેજો.
    પ્રવીણ શાસ્ત્રી.

    Like

  10. Pura karela chhar varsh ane panchama varsh na parvesh badal abhinandan….manav dharma..bajavi……sunder karma karta rahoooo

    Like

  11. Congratulations, Govindbhai! Not for completing 4 years, but for fulfilling the objdctives of spreading the message of Raionalism. Suryakant

    Like

  12. શ્રી ગોવિંદભાઈ આપના બ્લોગ ‘અભિવ્યક્તિ’ ને ચાર વર્ષ પુરા થયા તે બદલ ખુબ ખુબ અભિનંદન.

    Like

  13. આપના બ્લોગ ‘અભિવ્યક્તિ’ ને ચાર વર્ષ પુરા થયા તે બદલ ખુબ ખુબ અભિનંદન.

    Like

  14. Congratulation for completing successful four years.

    ધાર્મીક અંધશ્રદ્ધા સાથે સાથે સૌથી મોટી અંધશ્રદ્ધા ગુજરાતીઓમાં હીન્દી રાજ્યોએ અને સાધુઓએ એ ફેલાવી છે કે હીન્દી ભારતની રાષ્ટ્રભાષા છે અને તે ફક્ત સંસ્કૃત ની જેમ દેવનાગરી લીપી માં જ લખી શકાય. શું હીન્દી ખરેખર ભારત ના બંધારણ મુજબ ભારતની રાષ્ટ્રભાષા છે? શું બધાજ ભારતીય જનો ને આ માન્ય છે ?ગુજરાતી સાહીત્યકારો આ અંધશ્રદ્ધા ને દુર કરવા ક્યારે કદમ મીલાવશે અને હીન્દી ગુજરાતી લીપીમાં (એકજ ઈ અને ઉ માં) લખવાનો પ્રયત્ન કરશે?

    Like

  15. શ્રી ગોવિંદભાઈ,
    આપને અને ‘અભીવ્યક્તી’ને ચાર વર્ષની સફ઼ળતાના અભિનંદન અને શુભેચ્છાઓ

    Like

  16. अभीव्यक्ती ब्लोग ए रेशनालीजमनी युनीवर्सीटी छे.

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s