જાતીય જ્ઞાન અને પુખ્તવયમાં ગેરમાન્યતાઓ
– ડૉ. અશ્વીન શાહ
બાળક જયારે કીશોર કે પુખ્તવયમાં આવે છે ત્યારે તેની જીજ્ઞાસાવૃત્તી વધુ સતેજ થઈ જાય છે. આ અવસ્થામાં પોતાના શરીર, વીચાર અને સામાજીક વર્તન પ્રત્યે જાગૃત થઈ જાય છે. અનેક સવાલો પોતાના શારીરીક અંગો, વીજાતીય આકર્ષણ, લગ્ન વગેરે માટે ઉત્પન્ન થાય છે, જે જાણવા માટે આતુર હોય છે; પરન્તુ આપણે ત્યાં જાતીય શીક્ષણ શાળાઓમાં યોગ્ય રીતે આપવામાં આવતું નથી. પાઠ્યપુસ્તકમાં આ વીષયના પાઠ આવે છે; પરન્તુ શીક્ષકો એને સમજાવવામાં શરમ આવે છે અને કીશોરો પણ ધ્યાન આપતા નથી. મોટેભાગે પુરુષ શીક્ષક કીશોરોને અને સ્ત્રી શીક્ષક કીશોરીઓનો આ વીષય પર વર્ગ લે છે. એનું મુખ્ય કારણ એ છે કે જાતીય અંગો અને જાતીય શીક્ષણની જાહેરમાં ચર્ચા કરવામાં આવતી નથી કેમ કે એ ગંદી (Dirty) અને ખાનગી ગણાતી હોય છે. આથી આ માટેના સવાલોના ઉત્તર મા–બાપ પાસે મેળવવામાં પણ કીશોર–કીશોરીઓ શરમ અનુભવે છે. મા–બાપ પણ આવી વાતો સમજાવવામાં શરમ અનુભવે છે. આથી કીશોર–કીશોરીઓ પોતાની જીજ્ઞાસાને સંતોષવા મીત્ર, ટીવી, મોબાઈલ, યુટ્યુબ, ફેસબુક, ઈંસ્ટાગ્રામ જેવા સોશીયલ મીડીયાનો સહારો લે છે. ઘણીવાર પોર્નોગ્રાફીની ચોપડી–ચોપાનીયા વાંચીને માહીતી મેળવે છે. જે મોટેભાગે અવૈજ્ઞાનીક, ખોટી અને ગેરમાર્ગે દોરનારી હોય છે. સમાજમાં ખોટી માહીતી આપી કીશોર–કીશોરીઓને ધુતનારા ઉંટવૈદો, બાવાઓ, ભગત–ભુવાઓ આ જ અજ્ઞાનતાનો ફાયદો લે છે. દરેક અખબારમાં આ વીષેની જાહેરાતો આવતી રહે છે, જેનો ઉપયોગ કીશોર–કીશોરીઓ કરીને ખોટા ખર્ચમાં ઉતરે છે. એટલું જ નહીં, માનસીક રોગ, લગ્નવીચ્છેદ, આપઘાત સુધી પહોંચી જાય છે.
આથી આ માટે આ લેખ ખુબ જ ટુંકાણમાં સાદી, લોકભોગ્ય ભાષામાં તૈયાર કર્યો છે, જેનાથી કીશોરાવસ્થા – પુખ્તાવસ્થામાં ઉત્પન્ન થયેલી મુંઝવણનો ઉકેલ મળી શકે. અમારી સંસ્થાએ “તરુણાવસ્થા : પ્રશ્ન તમારા જવાબ અમારા” આ પુસ્તીકા પણ તૈયાર કરી છે. જે ફક્ત રુ. 25/– + કુરીયર ચાર્જ રુ. 20/-માં ઉપલબ્ધ છે. (આ પુસ્તીકા મંગાવવાની ઈચ્છા ધરાવનારા વાચકમીત્રો માટે લેખના અંતે લેખક–સમ્પર્કમાં ડૉ. અશ્વીન શાહનું સરનામું/ફોન/ઈ–મેલ આઈડીની વીગત આપવામાં આવી છે.)
બાહ્ય શારીરીક અંગો વીષે ગેરમાન્યતાઓ :–
| ગેરમાન્યતા/અન્ધશ્રદ્ધા | સાચી હકીકત |
| • ઉંચાઈ વધતી નથી. • બોડી ફીગર બનતું નથી • દાઢી–મુંછ વધતી નથી |
• દરેકમાં આ ફેરફાર અલગ અલગ ઉમ્મરે શરુ થાય. • દરેકમાં ફેરફાર સમાન હોતા નથી. |
| • વજન વધારે અથવા ઓછું. | • દરેકમાં ઉંચાઈ, વજન, અવાજ અલગ હોય. |
| • છોકરીઓના ચહેરાપર મુંછ/ રુંવાટી/દાઢી ઉગે છે. • ચામડીનો રંગ કાળો છે જેથી લગ્ન થતા નથી. |
• શરીરના ફેરફાર જનીન, પોષણ અને વાતાવરણ પર નીર્ભર. • કોઈ દવા, જડીબુટ્ટી, તેલથી ફેર પડતો નથી. |
| • ચહેરા પર ખીલ ઉગે છે. | • ત્વચા તૈલી બને જેથી ખીલ થાય. • સ્વચ્છ સાબુથી દીવસમાં વારંવાર ચહેરો સાફ કરવો. • બજારમાં મળતા ક્રીમ, મલમ, ડોશીવૈદું કરાવવાની જરુર નથી. • તબીબી સલાહ લેવી. |
| • ચામડી પર સફેદ ડાઘ જેને કોઢ કહે છે. | • મેલનીનનાં ખામીથી ત્વચા સફેદ થઈ જાય છે. કોઈ વારસાગત કે ચેપી રોગ નથી. |
બાહ્ય જાતીય અંગો વીષે ગેરમાન્યતાઓ :–
| ગેરમાન્યતા/અન્ધશ્રદ્ધા | સાચી હકીકત |
| • શીશ્ન (લીંગ)ની લમ્બાઈ ઓછી છે. તેથી સમાગમમાં તકલીફ પડી શકે. | • શીશ્ન (લીંગ)ની લમ્બાઈને લીધે કોઈ ફરક પડતો નથી. • શીશ્ન (લીંગ) પરની ચામડી ઉપર ચઢતી હોવી જોઈએ. |
| • શીશ્ન (લીંગ) બરાબર ઉત્તેજીત થતું નથી. • વારંવાર સ્વપ્નદોષથી ધાત અને અશક્તી થાય છે. |
• શીશ્ન (લીંગ) ઉત્તેજીતનથી થતું તો અન્ય બીમારી માટે તબીબી તપાસ જરુરી. • સ્વપ્નદોષથી કોઈ નુકસાન નથી. |
| • સુન્નત પ્રથા, છોકરીઓમાં આફ્રીકન દેશોમાં કલાઈટોરીસની સુન્નત કરવામાં આવે છે. | • ધાર્મીક માન્યતા છે. છોકરીઓમાં સુન્નતની આ ક્રુર પ્રથાનો કોઈ ફાયદો નથી. • છોકરાઓમાં સુન્નત ડોકટર પાસે કરાવવું યોગ્ય છે. |
| • સ્તનનું કદ નાનું છે, મોટું છે. આ માટે માલીસ, ડોશીવૈદું, દવા વગેરે કરાવવામાં આવે છે. | • સ્તનનું કદ દુધની ગ્રંથી નહીં; પરન્તુ ગ્રંથીની આજુબાજુ ચરબીથી થાય છે. • કદને લીધે જાતીય જીવનમાં કે બાળકને ફીડીંગ કરાવવામાં કોઈ પણ તકલીફ થતી નથી. • આ માટે જાહેરાતમાં આવતા ઈલાજો કરવાનો ખર્ચ જરુરી નથી. ફક્ત કોસ્મેટીક પ્લાસ્ટીક સર્જરી થઈ શકે. |
| • સ્તનમાં ગાંઠ | • ગાંઠની તપાસ અને તબીબી સારવાર જરુરી છે. |
માસીક વીષે ગેરમાન્યતાઓ :–
| ગેરમાન્યતા/અન્ધશ્રદ્ધા | સાચી હકીકત |
| • માસીક વધારે અથવા ઓછું. • માસીક અનીયમીત. | • અંતસ્ત્રાવની અસર. • શરુઆતમાં એકથી બે વર્ષ અનીયમીત. |
| • માસીકચક્રનો સમયગાળો. | • 10થી 13 વર્ષે શરુ અને 45થી 55 વર્ષે બંધ થાય. • 16 વર્ષ સુધી શરુ ન થાય તો તબીબી સલાહ લેવી. |
| • સફેદ પાણીની તકલીફ. • માસીક ગંદુ છે. |
• કીશોરીને થોડું સફેદ પાણી પડવું કુદરતી છે. • દરેક કીશોરીને પુખ્ત થાય એટલે માસીક ચક્ર શરુ થાય છે, આથી એને ગંદુ ગણી શકાય નહીં. • માસીક આવે ત્યારે સ્વચ્છતા રાખવી અને ગંદા કપડાની જગ્યાએ ચોખ્ખા કપડાં અથવા સેનીટરી પેડ વાપરવા. |
| • માસીક દરમ્યાન સ્ત્રીઓએ બીજાથી દુર રહેવું, રસોઈ નહીં કરવી, પાણી નહીં ભરવું, મન્દીર નહીં જવું, અથાણા અને પાપડ ન બનાવવા. | • સ્ત્રીઓને માસીકના દુખાવામાં સાસરામાં થોડો આરામ મળે એટલે વર્ષો પહેલા આ નીયમો બનાવેલ હશે. • આ માન્યતાને કોઈ વૈજ્ઞાનીક આધાર નથી. આપણા દેશમાં જ જોવા મળે છે. |
જાતીય આકર્ષણ વીષે ગેરમાન્યતાઓ :–
| ગેરમાન્યતા/અન્ધશ્રદ્ધા | સાચી હકીકત |
| • છોકરા અને છોકરીમાં આકર્ષણ કેમ થાય. | • અંતસ્ત્રાવોનાં લીધે વીજાતીય આકર્ષણ થાય છે. |
| • પ્રેમ અને આકર્ષણમાં ફરક. | • આકર્ષણ શારીરીક અને પ્રેમ ભાવનાત્મક હોય છે. |
| • વધુ જાતીય આવેગ આવે. • કીસ કરવાથી નુકસાન થાય. |
• જાતીય આવેગ ઓછું કરવા માટે સારું વાંચન, કસરત, રમત, અભ્યાસ વગેરેમાં મન પરોવવું. • કીસ કરવાથી કોઈ નુકશાન થતું નથી. એ જાતીય આકર્ષણનું લક્ષણ છે; પરન્તુ કેટલાક રોગો જેવા કે ટી.બી., એઈડ્સ વગેરેમાં સાવચેતી જરુરી. |
જાતીય રોગો વીષે ગેરમાન્યતાઓ :–
| ગેરમાન્યતા/અન્ધશ્રદ્ધા | સાચી હકીકત |
| • યોનીમાર્ગે સફેદ પાણી નીકળે છે. | • સફેદ પાણી કુદરતી હોય છે. કોઈકવાર ચેપ લાગવાથી પડે છે માટે તબીબી સારવાર જરુરી છે. |
| • ગુપ્તાંગો પર ખંજવાળ, ચાંદા. • કુંવારી છોકરી સાથે સમાગમ થાય તો ગુપ્ત રોગ મટી જાય છે. • આ માટે બજારુ દવા, મલમ, ભગત–ભુવાનો ઈલાજ કરવામાંઆવે છે. |
• સ્વચ્છતા રાખવાથી આ ચેપી રોગ જેવા કે, ખસ, દરાજ વગેરે ન થાય. • જાતીય રોગોની તબીબી સારવાર જરુરી છે. • બન્ને પાર્ટનરની સારવાર જરુરી. • ગુપ્તાંગ અને અંદરના કપડાની સ્વચ્છતા. • નીરોધ વાપરવાથી જાતીય રોગોને અટકાવી શકાય. |
જાતીય સમાગમ વીષે ગેરમાન્યતાઓ :–
| ગેરમાન્યતા/અન્ધશ્રદ્ધા | સાચી હકીકત |
| • લગ્નની ઉમ્મર પહેલાં સમાગમ ન કરવો જોઈએ તથા ગર્ભ ન રહેવો જોઈએ. | • જાતીય આવેગ, આકર્ષણ એ કુદરતી છે; પરન્તુ શારીરીક સમાગમથી ગર્ભ રહેવાની શક્યતા છે. • નાની ઉમરમાં સ્ત્રીને ગર્ભ રહેવું નુકસાનકારક. • ગર્ભપાત કાયદેસર છે. મુળીયા, ગરમ દવાનો ઉપયોગ ન કરવો. • જાતીય જ્ઞાનનો અભાવ. • અલગ અલગ વ્યક્તીઓ સાથે સમ્બન્ધથી જાતીય રોગો અને એડ્સ જેવા રોગો થવાની સમ્ભાવના. |
| • હસ્તમૈથુન બીમારી છે. • વારંવાર હસ્તમૈથુન અથવા જાતીય સમાગમથી નબળાઈ આવે. |
• હસ્તમૈથુન હાનીકારક નથી. સ્ત્રી અને પુરુષ બન્ને કરી શકે. • હસ્તમૈથુનથી કદાચ સમાજમાં થતા બળાત્કાર ઓછા થઈ શકે. |
|
• સંતોષ મળતો નથી.
|
• જાતીયજ્ઞાનનો અભાવ હોવાથી દમ્પતીનું કાઉન્સ્લીંગ કરવું જરુરી છે. • કોઈ દવાઓની આડઅસર. • વાયગ્રા જેવી દવાઓ તબીબી સલાહથી લેવી. • સમાગમના સંતોષ માટે સમય મહત્ત્વનો નથી. લાંબા સમય સુધી સમાગમ થઈ શકે જ નહીં. આ માટે ખોટી જાહેરાતથી દોરવાવું નહીં. • ગર્ભાધાન માટે એક ટીપું વીર્ય પણ પુરતું છે. માટે વીર્ય જલ્દી બહાર આવી જાય એ માટે ગભરાવાની કે કોઈ દવા લેવાની જરુર નથી. |
| • પ્રથમ સમાગમ પછી સ્ત્રીઓના યોનીમાર્ગમાંથી લોહી નીકળે. આથી સ્ત્રીઓ પ્રત્યે અવીશ્વાસ પેદા થાય છે. | • યોનીપટલ (હાયમેન) અનેક કારણોસર તુટી શકે. |
ગર્ભાધાન વીષે ગેરમાન્યતાઓ :–
| ગેરમાન્યતા/ અન્ધશ્રદ્ધા | સાચી હકીકત |
| • વધ્યંત્વ – સ્ત્રીમાં જ દોષ. | • સ્ત્રી અને પુરુષ બન્નેનાં પ્રજનન અવયવો તથા અંતસ્ત્રાવોમાં ખામી હોઈ શકે. કાઉન્સલીંગ, તબીબી તપાસથી ઉકેલ આવી શકે. • નવીન તકનીકથી બાળકોનો જન્મ (IVF, surrogacy) |
| • છોકરીઓનો જન્મ સ્ત્રીનો જ દોષ. • ડામ મુકવા, લગ્નવીચ્છેદ, દવાનો, ભગત ભુવાનો ખર્ચ. |
• ગર્ભનું લીંગ પુરુષના શુક્રાણુમાં રહેલ x અને y રંગસુત્ર પર નીર્ભર છે. (XX – છોકરી, XY – છોકરો ) • છોકરાનો જન્મ પુરુષબીજ ઉપર જ નીર્ભર છે. છોકરીઓનો કોઈ વાંક હોતો નથી. |
| • વારંવાર કસુવાવડ સ્ત્રીનો દોષ. | • કેટલાક વીષાણુ જન્ય રોગો અથવા પ્રજનન અવયવોના ખામીના લીધે વારંવાર કસુવાવડ અથવા મૃત બાળકો જન્મે. તબીબી સારવાર કરાવવી જરુરી છે. |
| • ગર્ભ નીરોધક પદ્ધતી – સ્ત્રીની જ જવાબદારી. | • પુરુષ અને સ્ત્રી બન્ને વાપરી શકે એવી ગર્ભનીરોધક પદ્ધતીઓ છે |
| • અસુરક્ષીત સમ્બન્ધ, અનીચ્છનીય ગર્ભ. | • કાયદેસર ગર્ભપાત શક્ય છે. અસુરક્ષીત સમાગમ બાદ 72 કલાકમાં લઈ શકાય એવી દવાઓ ઉપલબ્ધ છે, જેને Emergency pills કહેવામાં આવે છે. |
| • બળાત્કારમાટે સ્ત્રી જવાબદાર છે. | • જાતીય શીક્ષણનો અભાવ. |
| • સુર્ય – ચંદ્ર ગ્રહણમાં સગર્ભાઓ એ બહાર નીકળવું જોઈએ નહીં. | • ગ્રહણની કોઈ પણ ખરાબ અસર વૈજ્ઞાનીક રીતે સાબીત થઈ નથી. આ ફક્ત ગેરમાન્યતા છે. |
સજાતીય સંબંધો વીષે ગેરમાન્યતા :–
| ગેરમાન્યતા/ અન્ધશ્રદ્ધા | સાચી હકીકત |
|
(૧) હીજડા (transgender)
|
(૧) Sex –એટલે ફક્ત બાહ્ય અંગ જે પરથી પુરુષ –સ્ત્રી જાતી નક્કી થાય. (૨) Gender – અંત:સ્ત્રાવોને લીધે શરીરની જાતીય ભાવના. (૩) આને લીધે LGBT પ્રચલીત થયો. L– Lesbian = સ્ત્રી–સ્ત્રી વચ્ચે જાતીય આકર્ષણ. G– Gay = પુરુષ–પુરુષ વચ્ચે જાતીય આકર્ષણ B– Bisexual = બન્ને તરફ આકર્ષણ. T– Transgender = હીજડા બાહ્ય જાતીય અંગ પુરુષ કે સ્ત્રી પરન્તુ પોતે જાતીય ભાવના અલગ જાતીની અનુભવે છે. • માનસીક રોગ નથી. • જન્મથી અંત:સ્ત્રાવ ઉત્પન્ન થવામાં ખામી હોય છે. (Developmental Sexual disorder) • આ મટી શકે નહીં, ફક્ત કોસ્મેટીક સારવાર થઈ શકે. • સમાજમાં સ્વીકૃતીની જરુરત. • ભારતમાં કોર્ટે સજાતીય સમ્બન્ધોને માન્યતા આપી છે. (૪) કોઈમાં વીકૃત માનસીકતા હોય છે. જે તબીબી સારવારથી આવી જાય છે. |
– ડૉ. અશ્વીન શાહ
દર બુધવારે યોજાતા ‘રૅશનલ વેબીનાર’ પૈકી તા. 11 ઓગસ્ટ, 2021ના રોજ ડૉ. અશ્વીન શાહે ‘જાતીય જ્ઞાન અને પુખ્તવયમાં ગેરમાન્યતાઓ’ વીષય પર આપેલ વ્યાખ્યાનમાંથી, વ્યાખ્યાતા ડૉ. અશ્વીન શાહના અને વેબીનારના હોસ્ટ ડૉ. સુજાત વલીના સૌજન્યથી સાભાર…
દર બુધવારે રાત્રે 9.00થી 10.00 કલાકે યોજાતા ‘રૅશનલ વેબીનાર’નો લાભ લેવા ઈચ્છુકમીત્રોએ ડૉ. સુજાત વલી, ગોધરાનો સમ્પર્ક સેલફોન નમ્બર : 99794 22129 અને 90990 11668 પર કરવાનો રહેશે.
લેખક–સમ્પર્ક : ડૉ. અશ્વીન શાહ, મેનેજીંગ ટ્રસ્ટી, ‘ગ્રામ સેવા ટ્રસ્ટ’, નેશનલ હાઈવે નં. 48, ખારેલ–396430 તાલુકો : ગણદેવી જીલ્લો : નવસારી (ગુજરાત) ફોન : (02634) 246 248 ઈ.મેલ : shah.drashwin@gmail.com વેબસાઈટ : http://www.gramsevatrust.org
નવી દૃષ્ટી, નવા વીચાર, નવું ચીન્તન ગમે છે? તેના પરીચયમાં રહેવા નીયમીત મારો રૅશનલ બ્લૉગ https://govindmaru.com/ વાંચતા રહો. દર શુક્રવારે સવારે અને દર સોમવારે સાંજે, સપ્તાહમાં બે પોસ્ટ મુકાય છે. તમારી મહેનત ને સમય નકામાં નહીં જાય તેની સતત કાળજી રાખીશ..
અક્ષરાંકન : ગોવીન્દ મારુ, ઈ–મેલ : govindmaru@gmail.com
‘અભીવ્યક્તી’ 
Very good information in a simple language for the general public.
LikeLiked by 1 person
ડૉ. અશ્વીન શાહ દ્વારા ‘જાતીય જ્ઞાન અને પુખ્તવયમાં ગેરમાન્યતાઓ ‘અંગે સરળ ભાષામા સ રસ લેખ
અમે પણ આ અંગે છોકરીઓની શાળામા અને મહીલા મંડળોમા ચર્ચાઓ કરી છે માસિક સમયે વાપરવા ડાયપરો આપ્યા છે નિષ્ણાત તબિબોના પ્રવચનો યોજ્યા છે છોકરીઓમાં સુન્નત પ્રથા અંગે અમારી દીકરી યામિનીએ ન કેવળ પ્રવચનો કર્યા છે પણ ડેઝર્ટ ફ્લાવર પુસ્તક પરથી નાટક લખ્યું અને ભજવ્યું છે -છતા આ અંગે આખા વિશ્વમા હજુ વધુ પ્રચાર કરવાની જરુર છે .
મા ડૉ. અશ્વીનભાઇના લેખ સાથે થોડી વાત તરફ ધ્યાન દોરીએ
હાલ-‘There are numerous alternatives to legal marriage including common law, domestic partnership, and cohabitation agreements. Each option offers some of the benefits of traditional marriage and has advantages and disadvantages કાળમા સ્થિતી વધુ ગુંચવાય છે ત્યારે જાતીય જ્ઞાન વધુ જરુરી છે
૧ ‘માસીક દરમ્યાન સ્ત્રીઓએ- મન્દીર નહીં જવું’ જેવી વાતમા સ્ત્રીઓને માસીક ધર્મ દરમિયાન શા માટે મંદિરમાં જવા દેવામાં આવતી નથી ? આ રીવાજ કેમ બનાવાયા હશે અને પાછળ નુ કારણ શું હશે? એ જાણવા માં લોકો ને સંકોચ થતો હોય છે અને તેમજ જે ઘણી વાર તો સાચી માહિતી ક્યાં થી મેળવવી એનાથી પણ અજાણ હોય છે તબિબિ તારણો પણ ઘણીવાર બદલાતા રહે છે તેમા આ અંગે જ્ઞાની સિધ્ધ સાધુઓના નકારાત્મક ઉર્જાના અભ્યાસથી સલાહ આપવામા આવે તો તેના નિયમ પાળવા યોગ્ય છે સાંપ્રતસમયે આવા મતભેદ ઉભો કરી ઝગડા કરાવવા પરદેશથી નાણા ખર્ચવામા આવે છે તે અંગે પણ સજાગ રહેવું જોઇએ
૨ કીસ કરવાથી ક્યારે નુકસાન થાય અંગે તો કોવિડકાળૅ સારું સમજાઇ ગયું
૩ ‘હસ્તમૈથુન હાનીકારક નથી’ મા ગેરસમજ થવા સંભવ છે – અધ્યાત્મ માર્ગમાં બ્રહ્મચર્ય એ મોટામાં મોટું તેમ જ પવિત્રમાં પવિત્ર સાધન છે ! વ્યવહારમાં પણ મન-વાણી ને દેહ સહજતામાં રહે, તેથી બ્રહ્મચર્ય આવશ્યક કહ્યું છે. આયુર્વેદ પણ એમ જ સૂચવે છે ! જો મન-વચન અને કાયાથી બ્રહ્મચર્ય પાળે તો મનોબળ, વચનબળ તેમ જ દેહમાં પણ જબરજસ્ત ફેરફાર થઈ જાય છે !
છેલ્લે-સામાન્ય જનોને મફત કે પોષણક્ષમ્ય દરે ડાયપર અને સારવાર મળે તો જ્ઞાન સાથે તે અંગે સારી અસર પણ જોવા મળશે.
LikeLiked by 3 people
ડો. અશ્વિન શાહે અભિવ્યક્તિના પાને આ ચર્ચા ખોલીને મદદ કરી છે.
જીવનું જીવનચક્ર ફક્ત ત્રણ કર્મોને માટે જ કુદરતે બનાવેલું છે.
૧. જન્મ લેવો ૨. ઉમરે મોટા થવું…સેક્ષ માટે તૈયાર થવું ( ખોરાક લઇને ) અને ૩. બીજી પેઢીને જન્મ આપીને મરણ પામવું.
માણસના જીવનને બાદ કરીને બીજા કોઇ પણ પ્રાણિનું જીવન જોશો તો આ પ્રક્રિયા જ જોવા મળશે. બુશ્શિના વિકાસે માણસનું જીવન , સંવનનના પુખ્તવયે માણસને વ્યસ્ત રાખે તેવાં કર્મો તેના જીવનમાં મૂક્યા. તે અલગ વસ્તુ છે. મૂળે તો તેનું જીવન પણ આ ત્રણ સ્ટેજમાં જ પુરું થાય છે. ખૂબ જ મોટા પ્રમાણમાં વિકસીત મગજે માણસને બીજી અમાપ કર્મો કરવા આપ્યા છે.
મને અેવું લાગે છે કે આજની યુવા પેઢી….કદાચ શહેરોમાં સેક્ષ માટેનું નોલેજ પોતે મિત્રવૃદમાં ચર્ચા કરીને શીખી લે છે. ૨૦૦૦ અને તે પછીના વરસોની આ વાત છે. ગાનડાઓ પણ કદાચ બાકાત નથી હોતા તેવું પણ મારું માનવું છે. પરંતું અેક ડોક્ટરની પેનથી લખાયેલું આ જ્ઞાન આવકાર્ય છે.
ભારતમાં અંઘશ્રઘ્ઘાના ઘણા નિયમો…શાળાના શિક્ષણ પહેલાં, આજથી ૫૦ કે ૬૦ વરસો પહેલાં ડો. અશ્વિન શાહે કહ્યુ છે તેમ હતું.
ભારતમાં સેક્ષના શિક્ષણમાં કહેવાયુ છે તે કદાચ આર્થિક …ગરીબાઇને કારણે ,સ્વચ્છતા જાળવવી જોઇઅે તે વેસ્ટર્ન દુનિયા કરતાં ઓછી જળવાય છે. સરકારે તેમાં મદદ કરવી જોઇઅે.
જૂની પેઢીના મા બાપને પણ સેક્ષ અ.ગેનું શીક્ષણ કોઇ ડોક્ટરના ક્લાસમાં આપવું જોઇઅે.
ભારત તો મંદિરોમાં પણ તેની દિવાલો ઉપર સેક્ષને વાચા આપતો દેશ છે. શીવજીના સ્વરુપે પણ સેક્ષનું શીક્ષણ આપનારો દેશ છે. ‘ કામ ‘ ને સમજાવતો દેશ છે.
આભાર.
LikeLiked by 2 people
ખુબજ સરળ ભાષામાં જાતીય જ્ઞાન અને તેની ગેરમાન્યતા વિશેનો લેખ ડૉ. અશ્વિન શાહે પ્રસ્તુત કર્યો. હજી પણ ગામડાઓ અને શહેરોમાં માસિક સંબધિત ઘણી બધી ગેરમન્યતાઓ લોકોમાં જોવા મળે છે, જે આ લેખ થકી લોકોમાં જાગ્રૃતિ આવશે.
જો બાળકોને યોગ્ય સમયે સાચું જાતીય જ્ઞાન મળે તો ઘણી બધી સમસ્યાઓ હલ થઈ જાય અને ગેરમાર્ગે જતાં બચી જાય. આ લેખ બને એટલો શેર કરવો જોઈએ.
આભાર મા. ગોવિંદભાઈ તથા લેખક શ્રી ડૉ. અશ્વિન શાહનો.
LikeLiked by 1 person
Yes perfect & simple understanding of most questions of younger generation.
Govind Bhai will share PDF of the same & we shall spread in media to make it more popular to all needy
LikeLiked by 2 people
Don’t know where to start. An excellent insight into teh very important discussion of human Biology and Gender roles/relationship. Thank you Govindbhai for sharing and Dr Shah for writing it with detailed illustrations of male and female reproductive organs. The whole write up is precise with short and simple explanations on various little sub~topics of which I have been unaware of. Thank you.
Ok, so let me say a few words. As a Teacher, I have been responsible to teach on this topic of Health and Sex Education the ‘younger pupils’ in Schools.
After sending letters of permission to parents, the whole process starts: Male teachers would give a talk to the boys and I would to the girls with the School Nurse present with me. We would let the pupils watch a Video as prescribed in the National Curriculum followed by question and answer sessions. There would also be books available for teh pupils to look and read if they wish to.
After teh VIDEO SESSION, If any one is too shy to ask questions in public, they could write their questions on a piece of paper anonymously and we would answer them ‘in a professional manner.’ No giggling or laughing allowed! This could last over two days to a whole week. Parents can be present if they wish to but they normally don’t. (They would be embarrassed to attend such sessions with their own children ) So a special prior meeting would be organised fro all parents of pupils to attend so they can learn the content of the Teaching such delicate subject.
This is how it’s managed.
The point I would like to make is that all humans have a right to learn how their own bodies function, what is the life~cycle as well as their role in understanding the Personal, Health, Social as well as Biological aspect of life.
Why should we be ashamed of our own bodies? Albeit, we should respect ourselves first!
And in this Modern Era with the present of the Internet and teh Social Media, every one has access to so much useful knowledge as well as False Information. Google is NOT always correct and Siri does not have all the answers! Right?
We have to come out of the Dark Shed to talk about such Topics in open. There’s nothing rude about girl’s Menstrual Cycle nor she is dirty ! If she didn’t go through this stage in her life she has to consult a specialist. In short the human~life on this Earth would wipe out! True?
And teh best way to Eradicate Blind Faith is to have an open discussion. People do understand if approached in a sensible professional manner.
And finally, this line is quite offensive: શીવજીના સ્વરુપે પણ સેક્ષનું શીક્ષણ આપનારો દેશ છે. Needs to be deleted or edited differently..
That’s all for now.
Stay safe!
LikeLiked by 2 people
Very Useful information to adolescent boys and girls, Thank you Sir.
LikeLiked by 1 person
બહુજ અમૂલ્ય માર્ગદર્શન
LikeLiked by 1 person